त्या अवस्थेतच मी स्वतःला तीन प्रश्न विचारले.........मी कोण आहे.?

मी आतापर्यंत काय केले आहे.?

भविष्यात मी काय करणार आहे.?

स्वतःचे अस्तित्व शोधू पाहणाऱ्या या प्रश्नांनी मला अस्वस्थ केले. मी पुरता बेचैन झालो. मेंदू आणि मनावर ताण आला होता. अचानक एके दिवशी "द सिक्रेट" हा व्हिडिओ मला पाहायला मिळाला. मला त्यातून माझ्या प्रश्नांची उत्तरे मिळत असल्याचा साक्षात्कार झाला. मी पुन्हापुन्हा तो व्हिडिओ पाहिला शेवटी मला त्यातून यशस्वी आयुष्याचा गुरुमंत्र सापडला तो म्हणजे 'मोठा विचार करा, मोठे यश मिळवा'.

हे सार होते त्या दिवसापासून मी कामाला लागलो मनामध्ये विश्वास होता, डोक्यामध्ये निश्चय होता आणि जीवनामध्ये यशस्वी बनण्याची व काहीतरी वेगळे करून दाखवण्याची भूक होती.

मित्रानो विचार मोठा केला पण भीतीपोटी "आय टी आय" चे शिक्षण घेण्याचा छोटा निर्णय घेतला. होय मित्रानो मी आय टी आय चा विद्यार्थी आहे, पण वेगळे काहीतरी करण्याची भूक मोट्ठी होती, ध्येयापरी  वेडा झालो होतो हवी तेवढी मेहनत करायला तयार होतो घरच्यांनी देखील खूप साथ दिली आणि त्या भुकेपोटी रोज एक नवीन आव्हान समोर ठेवत गेलो, मी कधीच स्वतःला एका छोट्या कक्षेतमध्ये बांधून ठेवले नाही मी नेहमीच मोठी आणि कठीण स्वप्ने पाहायचो, प्रत्येकक्षणी विध्यार्थी दशेत राहून जे काही शिकता येईल ते शिकत गेलो हा संघर्ष  करता-करता  मुंबई युनिव्हर्सिटी मधून इलेक्ट्रिकल इंजिनिअर झालो ( ते होण्यासाठी वडील जमीन देखील विकायला तयार होते, पण देवकृपेने ती वेळ अली नाही )

आता शिक्षणाचे स्वप्न तर पूर्ण झाले होते पण त्याआधीच एक मोट्ठे लक्ष मी माझ्यासमोर ठेवले होते, ते म्हणजे जॉब करायचा तर परदेशातच व लाखो रुपये कमवायचे प्रयत्न सुरु ठेवले आणि  "मर्चन्ट नेव्ही" म्हणजे मालवाहतूक जहाजमध्ये 'इलेक्ट्रिकल ऑफिसर' या पदावरती नोकरीला लागलो, काही वर्षातच महिना २.५ ते ३ लाख पगार भेटू लागला, त्यामध्ये  १४ देश आणि परदेशातील 3४ वेगवेगळी शहरे फिरायला भेटली, पण काहीतरी अजून कमी आहे असे वाटत होते, खोल समुद्रामध्ये असताना मनामध्ये विचार यायचा कि आज आपण एकटेच एवढे पैसे कमवतोय.... का नाही आपण अनेक लोकांना घेऊन पैसे कमाऊ शकणार ???  एका नवीन विचारला पालवी फुटली होती मनात कुठेतरी व्यवसाय करायचा असे बीज रोवले गेले होतेच आणि  त्यालाच खत पाणी घालायला मी सुरुवात केली.

एके दिवशी मी जहाज वरती मध्य समुद्रामध्ये असताना सायंकाळी सूर्यास्ताची वेळ झाली होती, दूर नजर गेली तर निळे पाणी आणि भगवे-लाल आकाश गळाभेटी घेत होते. हातामध्ये कॉफीचा मग घेऊन मी जहाजाच्या पाठीमागच्या बाजूला एकटाच बसलो होतो तेव्हा अचानक मला व्यवसाय का करायचा ? याचा उद्देश भेटला आणि तो म्हणजे "लोकांना सक्षम करणे,सक्षम समाज घडविणे"

मला माहित होते या निर्णयाचे कोणीच समर्थन करणार नाही, पण नेहमीप्रमाणेच मला अवघड निर्णय घ्यायला आवडतात, पहिला अर्धांगिनीला सांगितले आणि जॉब सोडला, वेड्यासारखे जे पडेल ते काम, जो भेटेल तो व्यवसाय करायला सुरुवात केली कारण व्यवसाय करणे तर लांबच तो आधी शिकायचा होता आणि शेवटी ८ व्यवसायामध्ये अयशस्वी झाल्यानंतर मला माझी आवड, खूप साऱ्या चुका करून घेतलेला अनुभव व काळाची गरज या तीन गोष्टींचा मेळ लागणारा व्यवसाय करायचा मी निर्णय घेतला आणि आज एक यशस्वी 'डिजिटल लाईफस्टाईल एन्टरप्रिन्युर" म्हणून काम करत आहे.

'लोकांना सक्षम करणे, सक्षम समाज घडवणे" हा उद्देश डोळ्यासमोर ठेऊन मला १०००० लोकांना त्यांच्या मधील कौशल्य शोधून यशस्वी डिजिटल जीवनशैली जगण्यास मदत करायची आहे.

त्याचबरोबर या डिजिटल युगामध्ये डिजिटल लीडर्स तयार करायचे आहेत की जे उद्या आपल्या भारताला सक्षम बनवतील.
Read Less